Kuwa Kabiri tariki ya 10/07/2012 kuri Lemigo Hôtel hatangijwe ku mugaragaro seminar ku mupira w’Abagore, Com-Unity Seminar, yateguwe n’ishyirahamwe ry’umupira w’amaguru ku isi (FIFA) hamwe n’ishyirahamwe ry’umupira w’amaguru mu Rwanda (FERWAFA).

Minisitiri Protais Mitali

Umuhango wo gutangiza iyi Seminar wayobowe na Minisitiri wa Siporo n’Umuco Protais Mitali, Perezida wa FERWAFA Celestin Ntagungira Abega, abayobozi batandukanye muri Ferwafa, hari kandi abayobozi baturutse muri FIFA harimo Perezida w’ishyirahmwe ry’umupira w’amaguru mu Burundi Lydia Nsekera, umwe mu bagize komite nyobozi ya FIFA , hari Umufaransakazi w’inzobere mu myitozo y’umupira w’amaguru mu bagore Sonia Haziraj, Christophe Bongo Zonga ukomoka muri Gabon ushinzwe itumanaho, hari ushiznwe Marketing nat Sponsor Ian Reley.

Com-Unity Seminar, umupira w’amaguru mu bagore yatangiye tariki ya 10/07 izarangira tariki ya 13/07/2012, abayitabiriye bazarebera hamwe ibiganiro bigamije kureba ibyakozwe n’ibiteganywa gukorwa kugirango umupira w’abagore utere imbere.

Ku munsi wa nyuma hateganyije na Festival izabera kuri Stade Amahoro i Remera, abana b’abakobwa 60 bari munsi y’imyaka 15, kizaba ari ikimenyetso cyo gukangurira abana b’abakobwa kwitabira gukora siporo harimo no gukina umupira w’amaguru.

Dore amwe mu mafoto yaranze umunsi wa mbere