Ikipe y’igihugu y’abakinnyi batarengeje imyaka cumi n’umunani ikomeje imyitozo mu rwego rwo kwitegura imikino y’A karere ka gatanu ikaba ikomeje gukina imikino ya gishuti.

Iyo mikino ya gishuti ikipe y’igihugu yayikinnye na CSK n’uko CSK itsinda Ikipe y’igihugu y’abari munsi y’imyaka 18 ku manota 62 kuri 56.

Umukino wa kabiri wahuje ikipe y’abakinnyi bakina Basketball bari munsi y’imyaka cumi n’umunani ndetse na CSK wabaye kuwa 10 Nyakanga 2012 kuri petit sitade mu masaha ya saa kumi n’ebyiri . Mbere y’uko uwo mukino ukinwa wari wabanjirijwe n’umukino wahuje ikipe y’igihugu ariko y’abakobwa itsindwa n’APR BBC y’abagore, nuko APR BBC y’abagore itsinda ku 34 kuri 31 by’ikipe y’igihugu .

Muri uwo mukino wa nyuma wabaye ku munsi wa kabiri w’abagabo byagaragaye ko ikipe imaze ku menyerana kuko mu mukino wa mbere,ikipe y’igihugu yari yarushijwe amanota agera kuri 15 yose kuri ubu ikaba yararushijwe gusa amanota 6.

Nkuko byagaragaye abakinnyi b’ikipe y’igihugu bamaze ku menyerana, muri uyu mukino Kapiteni Karekezi Pascal bakunze kwita Pasco akaba yarigaragaje cyane.