Rutahizamu ukomoka mu gihugu cya Ivory Coast Didier Drogba kuri ubu arabarizwa mu ikipe ya Shanghai Shenhua nyuma yo kugera mubushinwa aho azakinira iyi kipe mu gihe kingana n’imyaka 2 n’igice.

Shanghai Shenhua ni ikipe idahagaze neza na gato muri shampiyona ikaba itozwa na Sergio Batista aho kandi Drogba azajya akinana na Nicolas Anelka bakinanaga muri Chelsea mu Bwongereza.

Drogba akigera mu Bushinwa yakiriwe n’abantu benshi cyane bari bamwishimiye kandi bamwereka ko bamwishimiye abenshi bakaba bari abafana ba Sergio Batista.

Drogba uzajya uhembwa £270,000 ku cyumweru yatangaje ko atazanywe n’amafaranga mu bushinwa ahubwo aje kubera perezida w’ikipe yanyegereye akanyereka umushinga aftiye ikipe ye nkawishimira.

Si Drogba wamenyekanye cyane muri ruhago uri kubarizwa mu bushinwa kuko na Marcello Lippi wahesheje Ubutaliyani igikombe cy’isi ubu atoza ikipe ya Guangzhou.

Drogba akaba asanze ikipe ya Shanghai Shenhua ihagaze ku mwanya wa 13 muri shampiyona aho agomba kuyifasha kwitwara neza ikazamuka kurutonde rwa shampiyona.