Ikipe y’igihugu y’u Rwanda mu mupira w’amaguru ku bakinnyi bari munsi y’imyaka 20 yitwaye neza mu mukino ubanza wa gicuti mu gihugu cya Tanzania, aho yatsinze Ngorongoro Heroes ya Tanzania ibitego 2-0 ibitego bya Amavubi U 20 byatsinzwe na Uwimana Jean d’amour hamwe na Sebanani Emmanuel Crespo.

Amavubi U 20 abakinnyi babanje mu kibuga

KWIZERA Olivier, RUSHESHANGOGA Michel, BARIYANGA Hamdan, BAYISENGE Emery, USENGIMANA Faustin, UWIMANA Jean d’Amour, NTAMUHANGA Tumaine Titi, SEBANANI Emmanuel Crespo, SIBOMANA Patrick Papy, MBONYE BAYINGANA Bonny na Julius Bakkabulindi.

Abakinnyi baje gusimbura harimo: Nsabimana Eric wasimbuye Uwimana Jean d’amour, Farouk Ruhinda asimbura Sebanani Emmanuel Crespo, Bonfils Kabanda yasimbura Patrick Sibomana Papy naho Imran Nshimiyimana asimbura Bonny Bayingana.

Amavubi U 20 akazakina undi mukino na Tanzania U 20 kuwa mbere tariki ya 16/07/2012, bakazahita bagaruka i Kigali aho bazaba bakomeza kwitegura ikipe y’igihugu ya Nigeria nayo bazakina umukino wa gicuti tariki ya 24/07/2012 ubwo nayo izaba yerekeza muri Tanzania gukina umukino wo gushakisha itike y’imikino ya nyuma y’igikombe cy’Afurika ku bari munsi y’imyaka 20, u Rwanda rwo rukazakina na Mali i Kigali tariki ya 29/07/2012.