Ikipe irimo abakinnyi bakiri bato ndetse n’abamaze iminsi muri Mancheter United yerekeje muri Africa y’epfo muri iki gitondo gutangira imyiteguro ya shampiyona itaha.

Abakinnyi 22 barabanza bajye mu mujyi wa Durban mbere yo kujya I Cape town aho bazava berekeza mu Bushinwa mu mujyi wa Shanghai.

Bamwe mu bakinnyi bamaze igihe mu kibuga bajyanye n’iyi kipe barimo uraba ari kapiteni wayo Rio Ferdinand, hakaza Michael Carrick na Paul Scholes abo baraba bamenyereza abana b’iyi kipe barimo Davide Petrucci, Jesse Lingard na Ryan Tunnicliffe. Rutahizamu w’umunya Portugal Bebe nawe yayanye n’abandi nyuma yo kuva mu ntizanyo mu ikipe ya Besiktas yo muri Turkia.

Iyi kipe y’amashitani atukura izakina n’Amazulu FC kuri uyu wa gatatu tariki ya 18/07/2012 mbere yo gukina na Ajax Cape Town ku wa gatandatu tariki ya 21/07/2012. Igice cya mbere k ‘imyiteguro y’iyi kipe ya Sir Alex Ferguson bazagisoza bakina n’ikipe ya Shanghai Shenhua iherutse kugura umukinnyi Didier Drogba bakazakina ku wa gatatu w’icyumweru gitaha.

Mu gice cya kabiri cyayo bazerekeza mu bihugu nka Norvege, Sweden n’Ubudage.

Ikipe yerekeje muri Africa y’epfo: Lindegaard, Amos, Johnstone, Ferdinand, Veseli, Vermijl, Wootton, Blackett; Valencia, Anderson, Carrick, Scholes, Powell, Kagawa, Bebe, Tunnicliffe, Lingard, Brady, Petrucci; Berbatov, Chicharito, Macheda.