Abakunzi b’ikipe ya AC Milan babajwe cyane nigurishwa ry’abakinnyi Thiago Silva na Zlatan Ibrahimovic berekeje muri PSG mu Bufaransa, agatsiko k’abafana biyo kipe ya AC Milan bakoze imyigaragabyo imbere y’ibiro byiyo kipe berekana akababaro batewe n’abayobozi ba AC Milan.

Bakoze igikorwa cyo kwifuriza iyo kipe urupfu ndetse bazana ikarita zikoreshwa iyo hapfuye umuntu batsa buji ndetse bazana n’indabyo, banibasira abayobozi bababwira yuko babatangariza ibintu byo kubabeshya gusa! ngo ntacyo bavugana nabo mu gihe bagurishije abakinnyi babiri b’abahanga ikipe yagenderagaho.

Hagati aho ikipe ya AC Milan yatangaje yuko abafana bashaka ko basubizwa itike bari baguze zo gukurikirana shampiyona itaha yuko baza bagasubizwa amafaranga yabo ababajwe nuko abakinnyi Ibrahimovic na Silva bagurishijwe.