Umukinnyi Kirk Urso wakiniraga ikipe ya Columbus muri shampiyona ya leta zunze ubumwe za America yitabye Imana mu gitondo cyo kuri iki cyumweru tariki ya 05/08/2012 ku bitaro bya Grant Medical Center muri leta ya Ohio.

Uyu musore w’imyaka 22 wakinaga mu kibuga hagati nta mpamvu y’urupfu rwe yatangajwe bikaba byahuriranye nanone n’igitego cy’umukinnyi Aaron Ramsey yatsindiraga ibihugu by’abongereza mu mukino wabo na Korea y’amajyepfo.

Ramsey bikunze kuvugwa ko iyo atsinze igitego hatabura umuntu ukomeye witaba Imana nyuma y’izindi mfu zirimo iz’abantu bakomeye nka Ossam Bin Laden, Muamar Gaddafi,Witneye Houston n’abandi zose zabaye nyuma y’ibitego by’uyu mukinnyi wa Arsenal.

Ramsey yinjije penaliti ku munota wa 36 yishyura igitego ikipe y’ibihugu by’abongereza(Great Britain) yari yatsinzwe na Koreya y’amajyepfo, gusa aza no guhusha iyindi nyuma y’iminota 5.

Tariki ya 01/05/2011 Ramsey yatsinze igitego Manchester United bukeye Osama Bin Laden ahita yicwa n’abanyamerika umunsi wakurikiye nyamara yari yarahizwe imyaka myinshi.

Tariki ya 02/10/2012 Ramsey yatsinze igitego Tottenham nyuma gato nyiri sosiyete rurangiranwa ya Apple Steve Jobs ahita nawe yitaba Rurema.

Tariki ya 19/10/2011 Aaron Ramsey yatsindiye Arsenal bakina na Marseille muri Champions League bukeye bwaho uwari perezida wa Libya Muamar Gaddafi ahita nawe ava ku isi dutuye.

Tariki ya 11/02/2012 Ramsey yatsinze Sunderland igitego amasaha make mbere y’uko umuririmbyikazi w’umunyamerika Witney Houston yitaba Imana nawe.

None igitego cy’uyu mukinnyi ku munsi w’ejo hashize gisize umukinnyi mugenzi we azize urupfu rutunguranye.

Ubu ibitangazamakuru byinshi bikaba biri kwibaza niba ibi bitaba bifite aho bihuriye n’imivumo itandukanye ndetse hamwe hakaba hakozwe ubushakashatsi ku isano iri hagati y’imfu z’aba Star n’ibitego bya Aaron Ramsey