Kuri uyu wa gatandatu tariki ya 4/8/12 nibwo shampiyona yo mu gihugu cy’Uburundi yasojwe aho ikipe ya Vital’o ariyo yegukanye igikombe nyuma yo gutsinda ikipe ya Flambeau de l’Est ku gitego kimwe ku busa cyatsinzwe na Tambwe Amissi ku munota wa gatandatu.

Mu wundi mukino ikipe ya Athletico Olympique yatsinze Inter Star ku bitego 4 kuri 3 mu mukino wari ugoranye cyane.

Ikipe ya Vital’o kuri ubu ikaba maze kwibikaho igikombe cya shampiyona inshuro 22 aho yanaje kumwanya wa kabiri inshuro 9.

Iyi kipe ya Vital’o itozwa na Kanyankore Jean Gilbert alias Yaoundé ikaba izahagararira u Burundi mu mikino ya CAF Champion League umwaka utaha.