Nyuma yo gutangiza Centre yigishirizwamo abana bakina umupira mu izamu, bitoreza kuri Stade Regional i Nyamirambo mu rwego rwo gukangurira abanyezamu mu zindi ntara zigize igihugu cy’u Rwanda.

IREBERO GOALKEEPERS TRAINING CENTER yasuye abazamu ba Huye na Muhanga zo mu Ntara y’amajyepfo kuva tariki ya 04 niya 05/08/2012,mu karere ka Huye bahasanze abana bakina mu izamu basaga 33 , naho i Muhanga haje abazamu 46, aho hose basuye nkuko Higiro Tomas abitangaza ngo bahavumbuye abana bafite impano yo gukina mu izamu we nabegenzi be batangije icyo gikorwa bakaba bahisemo gushinga ishami rindi rishya ry’Irebero Training Center i Huye mu Ntara ya majyepfo.

Icyo gikorwa cyo gusura abana bakanabakoresha imyitozo bakaba baragitewemo inkunga na VOLCANO EXPRESSE yabahaye imodoka ibajyana aho hose ikanabagarura i Kigali. IREBERO GOALKEEPERS TRAINING CENTER ikaba iteganya gukomeza icyo gikorwa cyo gusura intara zose bareba abana bafite impano mu gukina mu izamu, bakazakomereza mu Ntara y’amajyaruguru i Musanze, hamwe no mu burengerazuba i Rubavu.

Dore amwe mu mafoto