Nyuma y’uko mu minsi ishize inama y’inteko rusange ya Mukura VS yaje gusubikwa kubera ko Perezida w’iyi kipe Olivier Atari mu Rwanda, henshi hibajijwe niba koko uyu Perezida yuzuza inshingano ze neza cyane ko akunze kuba ari mu mahanga.

Amakuru aturuka mu ikipe ya Mukura VS avuga ko ibi ntacyo bihungabanya ubuyobozi bw’iyi kipe kubera ko ngo iyo hagiye gufatwa ibyemezo hifashishwa ubundi buryo ngo buri wese agire uruhare muri icyo gikorwa. Olivier Mulindahabi ,umunyabanga tuganira yatubwiye ko ibyemezo byose bafata biba byafashwe n’abagize komite yose . “Tugendana n’ikoranabuhanga rigezweho, nta narimwe dukora inama komite ituzuye, n’udahari twifashisha uburyo bw’iyakure (Conference)”.Olivier Murindahabi.

“Icyatumye dusubika inteko rusange iheruka kwari ugukuraho urujijo rw’ibimaze iminsi bivugwa ko dufata ibyemezo bamwe mu banyamuryango batabyishimiye”.

Inama y’inteko rusange y’ikipe ya Mukura Victory Sport yari iteganyijwe tariki ya 05/08/2012 iza kwimurirwa tariki ya 07/09 nyuma y’uko Perezida w’iyi kipe Nizeyimana Olivier bakunze kwita Olivier Volcano Atari yakageze mu gihugu.

Ikipe ya Mukura VS nyuma yo kurangiza ku mwanya wa gatatu muri shampiyona ishize, ubu gahunda bafite ni iyo gutwara igikombe cya shampiyona dore ko bongereye bije(Budget) ku buryo bugaragara. Iyi kipe ubu iri gutozwa na Ruremesha Emmanuel yatangiye gushaka abakinnyi batandukanye bayifasha muri izo gahunda zose ziri imbere.