Nyuma yo kwitwara neza mu mikino y’Afurika bakegukana umwanya wa mbere mu irushanwa rya Africa Junior Beach Volleyball Championship ryabereye mu gihugu cya Togo ku bakinnyi bari munsi y’imyaka 20.

Abanyarwandakazi Denise Mutatsimpundu na Charlotte Nzayisenga baratangira umwiherero kuva uyu munsi kuwa gatandatu tariki ya 11/08/2012 i Rubavu, aho bagiye gukora imyitozo bitegura kuzerekeza muri Canada kuwa 26/08/2012 ahazabera imikino y’igikombe cy’isi kizabera Halifax muri Canada kuva tariki ya 29/08/2012 kugeza tariki ya 2/09/2012. Nibwo bwa mbere u Rwanda rubonye itike y’imikino y’igikombe cy’isi muri Volleyball ikinirwa ku musenyi (Beach Volleyball ).

Abakinnyi bakaba bagiye gukomeza imyitozo ya Volleyball yo ku musenyi bari kumwe n’umutoza wabo Paul Bitok, umaze iminsi anatoza ikipe y’ingimbi y’abahungu ya Volleyball yari mu mwiherero i Huye. Tubibutsa yuko mu gihe imikino ya Beach Volleyball ikinwa nta mutoza uba uhari akora akazi ko gutoza kereka mu myitozo gusa.