Ikipe ya FC Barcelona ku mugoroba wi tariki ya 18/08/2012 yatangaje yuko yamaze kumvikana n’ikipe ya Arsenal mu kugura umukinnyi ukomoka muri Kameruni Alexander Song wakiniraga Arsenal.

Song azerekeza muri Espagne mu ikipe ya FC Barcelona mu gihe cy’amasaha 48 ari imbere, gupima ubuzima no gusinya muri iyo kipe ya FC Barcelona.

Kugurwa k’umukinnyi Alex Song kuje nyuma yaho umukinnyi Robin Van Persie nawe yamaze kwerekeza muri Manchester United avuye muri Arsenal. Kugenda kwa Song byerekana yuko ikipe ya Arsenal igurishije abakinnyi babiri bayifashije cyane muri shampiyona ishize bayifashije kugera ku mwanya wa 3 muri shampiyona y’Ubwongereza.

Alex Song abaye umukinnyi wa 4 uvuye muri Arsenal yerekeza muri FC Barcelona mu gihe cy’imyaka 5, abo ni Thierry Henry, wakurikiwe na Alexander Hleb, Cesc Fabregas ubu ni Song utahiwe.