APR FC ni ikipe y’umupira w’amaguru hano mu Rwanda yakoze amateka akomeye kugeza nanubu akaba ntayindi kipe irayagezaho.

Ikipe ya APR FC yashinzwe mu mwaka w’1993 , ishingirwa ku murindi wa Byuma , icyo gihe hakaba hari mu gihe cy’amasezerano ya Arusha yaberaga muri Tanzania.

Nyuma y’amezi abiri gusa iyi kipe ishinzwe , ikipe ya APR FC yatangiye gusurwa n’andi makipe yo hirya no hino.

• APR FC 2-0 PSD FC (Rwanda)

• APR FC 2-1 INKATA FC (Kenya)

Nyuma yaho FPR Inkotanyi zibohereye u Rwanda , APR FC yatangiye gukina imikino y agishuti n’andi makipe yo mu Rwanda no hanze y’ u Rwanda.

• APR FC 1-1 KIYOVU SPORTS

• APR FC 1-1MUKURA VS

• APR FC 1-2 VITALO FC (BURUNDI)

• APR FC 1-2 EXPRESS FC(UGANDA)

APR FC yatwaye igikombe cyambere cy’Amahoro mu mwaka w’1995 , nyuma yaho APR FC yahise yandikwa mu kiciro cya mbere na FERWAFA , ubu ikaba nta gikombe na kimwe gikinirwa hano mu Rwanda ndetse no mu karere kacu iyi kipe ititabira. Ikaba initabira amarushanwa ya CAF.

Ikipe ya APR FC ikaba imaze gutwara ibikombe by ashampiyona ( Primus Natioanal League ) 13 aribyo : 1995, 1996, 1999, 2000, 2001, 2003, 2005, 2006, 2007, 2009, 2010, 2011 , 2012.

Ikipe ya APR ikaba imaze gutwara igikombe cy’Amahoro inshuro 10 : 1995,1996,2000,2001,2002,2006,2007,2008,2010 ,2011.

Si ibi bikombe byo mu Rwanda ikipe ya APR FC yatwaye kuko mu mwaka w’2005 APR FC yatwaye League Lotto Rwanda , mu mwaka w’2006 itwara Primus Christmas Cup, mu mwaka w’2007 APR FC yegukanye League Lotto Rwanda.

Mu mwaka w’2009 APR FC yatwaye EAC Defence Forces Sports and Cultural week inabasha gutwara Preseason Cup.

Si mu Rwanda rero APR FC yabashoje kubica bigacika kuko no mu karere kacu iyo ikipe igiye guhura na APR FC iza yikandagira kuko iba iziko igiye gukina n’imwe mu makipe akomeye muri kano karere kacu duherereyemo.

APR FC yabashije kwegukana inshuro eshatu igikombe cy’amakipe cya CECAFA ( Kagame Cup ) mu mwaka 2004 , 2007 , 2010.

Mu mwaka w’2003 ikipe ya APR FC yabashije kugera muri 1/2 cy’imikino y’igikombe cya CAF. Uyu muhigo ukaba ntayindi kipe yo mu Rwanda irawugeraho.

Ubuyobozi bwa APR FC

• Perezida w’icyubahiro ( Club Honorary President ) : Hon. Gen. James Kabarebe

• Perezida w’ikipe : Maj. Gen. Alex Kagame

• General Secretary : Mr. Kalisa Adolphe

• 1st Vice Club Chairman: Hadj Maj. Gen. Mubaraka Muganga

Abatoza wa APR FC

• Umutoza mukuru : Ernest Brandts

Umutoza wungirije : Rene Hiddink.

Bamwe mu bakinnyi ba APR FC bagiye bigaragaza mu bihe byashize

• Didier Bizimana

• Jimmy Gatete

• Bonaventure Hategekimana

• Olivier Karekezi

• Jimmy Mulisa

• Aimé Désiré Ndizeye

• Eric Nshimiyimana

• Abdul Sibomana

• Alimansi Kadogo

• Hassan Mubiru

• Jeannot Witakenge

• Patrick Mafisango Mutesa

• Boubakary Sadou

Ngayo amateka y’ikipe y’igihangange hano mu Rwanda ndetse na hano mu karere ka Afurika yo hagati n’iyuburengerazuba.

Source : aprfc.com, wikipidia.