RUHAGOYACU.com

Gisagara yegukanye igikombe cya shampiyona ya Volleyball 2017

Mu mukino wa kabiri wa nyuma hagati y’amakipe yombi, ikipe ya Gisagara Volleyball Club yatsinze Kirehe amaseti 3-1 yegukana igikombe cya shampiyona ya Volleyball mu mwaka wayo wa mbere.

Uyu mukino wabaye kuri uyu wa Gatandatu i Kirehe, nyuma yaho mu mukino wa mbere wabereye i Gisagara, Kirehe yatsinzwe amaseti 3-1 (25-23, 19-25 na -17 kuri 25 mu gihe Gisagara yatsinze seti ya kane kuri 25-20).

Iyi kipe yari mu rugo, yasabwaga gutsinda uyu mukino kugira ngo nibura bazitabaze umukino wa gatatu ubatandukanya, ariko igorwa na Gisagara yari ihagaze neza, iza no kuyitsinda muri uyu mukino wa kabiri ku maseti 3-1 (20-25, 20-25, 26-24, na 23-25)

Amakipe yegukanye ibikombe bya shampiyona mu bagabo no mu bagore: Gisagara Volleyball Club na Rwanda Revenue Authority azabishyikirizwa mu mpera z’uku kwezi, ubwo hazaba hakinwa Carre d’AS yitabirwa n’amakipe yaje muri ane ya mbere mu bagabo no mu bagore.

Map : Ahabanza  \  Volleyball

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru