RUHAGOYACU.com

Ntabwo tuzabakira neza gusa ahubwo tuzanabatsinda - Karekezi Leandre

Abibwira ko u Rwanda ruzakira neza irushanwa ry’akarere ka Gatanu (Zone V) muri Volleyball ariko igikombe abanyamahanga bakagitwara ngo basubize amerwe mu isaho abandi basubize agatima impembero, kuko batazemera ko gisohoka.

Ibi byagarutsweho n’Umuyobozi w’ishyirahamwe ry’imikino ya Volleyball (FRVB), Karekezi Leandre mu kiganiro yagiranye n’abanyamakuru kuri uyu wa kane tariki ya 13 Nyakanga, aho yatangaje ko ibisabwa byose ngo u Rwanda rwakire imikino ya Zone V byabonetse.

Karekezi Leandre (hagati) ngo u Rwanda ntiruzatahira kwakira neza Zone V gusaKarekezi Leandre (hagati) ngo u Rwanda ntiruzatahira kwakira neza Zone V gusa

Mu mikino imwe n’imwe nk’umupira w’amaguru usanga u Rwanda ruvugwa imyato mu kwakira neza amarushanwa ariko ugasanga ibikombe byegukanwa n’ibihugu by’abashyitsi, ariko ngo muri Volleyball iyo bihageze amateka arahinduka.

Karekezi yagize ati “Wabihuje n’ibyo mu zindi siporo ariko muri Volleyball si ko bimeze, ntekereza ko tumaze kwakira Zone V kenshi hano kandi ibikombe tukabisigarana, n’ubu rero uwo muco mwiza watangiye nntabwo twenda kurekura rwose, twifuza kwakira bakabibona ko twabakiriye neza, ariko ku bijyanye no gukina byo ntituzabakira neza ahubwo tuzanabaytsinda.”

Yakomeje avuga ko iyo ari yo ntego kandi ubuyobozi bwa FRVB bukurikije uburyo ikipe yateguwe icyizere ni cyose.

Ubwitabire buciriritse muri Zone V

Karekezi Leandre yatangaje ko i Kigali hazaba hateraniye amakipe atandatu muri 12 agize ako karere, ari yo Uganda, Kenya, Sudani y’epfo, Tanzania, Sudani n’u Rwanda ruzakira iyi mikino mu gihe Misiri nay o ibarizwa muri aka Karere yo itazirirwa iza kuko ifite itike yo gukina imikino ya nyuma y’igikombe cya Afurika kuko ari yo izayakira.

Umutoza Paul Bitok ngo abasore be bahagaze neza ku buryo yizeye intsinziUmutoza Paul Bitok ngo abasore be bahagaze neza ku buryo yizeye intsinzi

Ku bwitabire buciriritse ugereranyije n’abanyamuryango ba Zone V, Karekezi yatangaje ko “Bijyana n’uburyo Umukino wa Volleyball utera imbere muri buri gihugu, dufite ibihugu byinshi koko bigera kuri 12, ariko iyo urebye hashobora kuboneka amakipe nk’atandatu yaba menshi akaba arindwi dukurikije uko twumvaga abifuzaga kuza.”

Yakomeje avuga ko ubwo bwitabire buciriritse bushobora guterwa n’impamvu ebyiri, ati “Icya mbere hari ukuntu ibihugu runaka bifata umukino runaka bakawushyira imbere y’indi. […] Icya kabiri bishobora kujyana n’ubushobozi bw’ibihugu.”

Icyakora ngo ntibitunguranye kuba irushanwa rya Zone V u Rwanda ruzakira hazitabira amakipe make, kuko n’iyo urebye kuva mu myaka yo ha mbere usanga hahora hitabira amakipe amwe.

Ministeri ya Siporo n'umuco ngo yatanze ibisabwa byose ngo Zone V izagende nezaMinisteri ya Siporo n’umuco ngo yatanze ibisabwa byose ngo Zone V izagende neza

Bimwe mu bihugu byo muri aka karere bigenda biguru ntege mu kwitabira amarushanwa hari nka Ethiopia ijya ijyana abakobwa rimwe na rimwe, Eritrea yo isa n’itagira ikipe ya Volleyball ahubwo ikishyirira ingufu mu magare, hakaba na Sudani ifite n’ikigo cy’icyitegererezo muri Afurika gitorezwamo uwo mukino ariko ikaba itajya yitabira amarushanwa.

Amakipe azitabira imikino y’Akarere ka Gatanu (Zone V) azatangira kugera i Kigali kuwa gatanu tariki ya 21 Nyakanga, irushanwa ritangire muri izo mpera z’icyo cyumweru (ni ukuvuga kuwa 22-23 Nyakanga), ikaba ishobora kuzasozwa kuwa 27 bitewe n’umubare w’amakipe azaba yitabiriye.

Map : Ahabanza  \  Volleyball

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru