RUHAGOYACU.com

Volleyball: Bidasubirwaho, irushanwa rya Zone 5 ryitabiriwe n’amakipe ane gusa

Irushanwa rya Volleyball rihuza amakipe y’ibihugu bigize akarere ka gatanu (CAVB Zone 5) ryitabiriwe n’amakipe ane gusa, bityo rizakinwa mu minsi itatu gusa mu gihe byari byitezwe ko hashobora kwitabira amakipe atandatu cyangwa arindwi rikaba ryakinwa mu minsi itandatu.

Mu kiganiro Umuyobozi w’Ishyirahamwe ry’imikino ya Volleyball mu Rwanda (FRVB), Leandre Karekezi yagiranye n’abanyamakuru kuwa 13 Nyakanga 2017, yavuze ko hitezwe amakipe atandatu cyangwa arindwi mu irushanwa rya Zone 5.

hari hiteguwe amakipe atandatu cyangwa arindwi ariko hitabiriye ane yonyinehari hiteguwe amakipe atandatu cyangwa arindwi ariko hitabiriye ane yonyine

Mu gitondo cy’uyu wa Gatanu tariki ya 21 Nyakanga, Christian Hatumimana, Umunyamabanga muri FRVB yatangarije RuhagoYacu ko amakipe ane yonyine ari yo yitabiriye iryo rushanwa ribera i Kigali guhera kuri uyu wa gatandatu tariki ya 22 Nyakanga.

Ati “Ni byo ni amakipe ane gusa, atatu yahageze, hasigaye Sudani y’epfo igera i Kigali uyu munsi saa cyenda n’iminota 10 (3:10pm).”

Amakipe yitabiriye irushanwa ry’Akarere ka gatanu Zone 5 ni 4, ari yo Uganda, Kenya, Sudani y’epfo n’u Rwanda.

U Rwanda rwahize kwegukana iki gikombe riusanzwe ruhanganira na Kenya gusaU Rwanda rwahize kwegukana iki gikombe riusanzwe ruhanganira na Kenya gusa

Ubwo Karekezi yari muri icyo kiganiro n’abanyamakuru, yabajijwe ku bwitabire buciriritse bw’irushanwa rya Zone 5, asubiza ko nta mpamvu nyayo izwi ariko ko we abibona mu buryo bubiri.

Ati “Bijyana n’uburyo Umukino wa Volleyball utera imbere muri buri gihugu, dufite ibihugu byinshi koko bigera kuri 12, ariko iyo urebye hashobora kuboneka amakipe nk’atandatu yaba menshi akaba arindwi dukurikije uko twumvaga abifuzaga kuza.”

Yakomeje avuga ko ubwo bwitabire buciriritse bushobora guterwa n’impamvu ebyiri, ati “Icya mbere hari ukuntu ibihugu runaka bifata umukino runaka bakawushyira imbere y’indi. […] Icya kabiri bishobora kujyana n’ubushobozi bw’ibihugu.”

Icyakora ngo ntibitunguranye kuba irushanwa rya Zone V u Rwanda ruzakira hazitabira amakipe make, kuko n’iyo urebye kuva mu myaka yo ha mbere usanga hahora hitabira amakipe amwe.

Libero Bonijuru Jean Bosco Mutabazi na Flavien Ndamukunda bari mu bo u Rwanda ruzaba rugenderaho muri Zone 5Libero Bonijuru Jean Bosco Mutabazi na Flavien Ndamukunda bari mu bo u Rwanda ruzaba rugenderaho muri Zone 5

Biteganyijwe ko amakipe ane yitabiriye irushanwa hamwe n’Ubuyobozi bwa FRVB ndetse na Komisiyo ishinzwe gutegura iyo mikino baza kwicarana mu nama y’ibya Tekiniki (Technical Meeting) kuri uyu wa gatanu tariki ya 21 Nyakanga guhera saa moya z’umugoroba (7:00am).

Irushanwa nyirizina ryo rizatangira kuri uyu wa gatandatu tariki ya 22 Nyakanga, umukino uzafungura irushanwa wo ukaza kumenyekana mu nama ya tekiniki.

Buri munsi hazajya haba imikino ibiri, uwa mbere ugatangira saa kumi (4:00pm), uwa kabiri saa kumi n’ebyiri (6:00pm), irushanwa rikazasozwa kuwa mbere hamaze kumenyekana ikipe yegukana igikombe ndetse n’itike yo guhagararira akarere ka gatanu mu mikino y’igikombe cya Afurika.

Map : Ahabanza  \  Volleyball

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru