RUHAGOYACU.com

Cristiano Ronaldo tumwe mu duhigo 10 yaciye dutangaje!

Rutahizamu wa Real Madrid yo muri Spain, tariki ya 8/12/2015 ku mukino wa Malmoe FF mu mikino y’amatsinda ya UEFA Champions League, C. Ronaldo yaciye agahigo yari yarashyizeho ubushize ko kwinjiza ibitego byinshi mu mikino yo mu matsinda (ibitego 9).

Muri uyu mukino Real Madrid yatsinze Malmoe FF ibitego 8-0, Ronaldo yawukinnye yari asanzwe amaze kwinjiza ibitego 7 mu mikino 5 iherutse. Ibitego bine yatsinze Malmoe FF byatumye ageza ibitego 11.
Uduhigo tundi yaciye

1- Mu gihe yakiniraga ikipe ya Manchester United, Ronaldo yabashije gukuraho agahigo, kari karashyizweho n’umukinnyi wakanyujijeho muri iyo kipe George Best ko kwinjiza ibitego 33 muri sezo , agahigo kari karashyizweho mu 1967/1968.

2- Ronaldo yaciye agahigo k’umukinnyi winjije ibitego 50 muri sezo imwe mu marushanwa atandukanye atanu.

3- Afite agahigo ko kuba yarabashije kwinjiza ibitego 100 muri shampiyona mu gihe gito, binamushyira ku mwanya wa mbere nku mukinnyi wa Real Madrid ubashije gukora ibyo, Ronaldo niwe mukinnyi wa shampiyona ya Spain wabashije gutsinda ikipe zose 19 zakinnye na Real Madrid.

4- Ronaldo afite agahigo ko kuba ariwe mukinnyi wabashije kwinjiza ibitego 17 muri sezo imwe ya UEFA Champions League, hari 2013/2014.

5- Ronaldo yashyizeho agahigo ku mukinnyi winjije igitego cya 200 muri shampiyona ya La liga mu mikino 178 hari mu kwezi kwa 12/ 2014. Yatsinze kati ibitego (hat-trick) bakina na Celta Vigo yahise iba hat-trick ya 23 muri rekodi za La Liga.

6- Ronaldo yabashije kwinjiza ibitego bitatu mu mukino umwe inshuro 8 (hat-trick 8) hari muri sezo 2014/2015. ihita iba rekodi ya hat-trick nyinshi zatsinzwe muri sezo imwe.

7- Yakoze rekodi yo gukinira Sporting Lisbon mu makipe yayo atandukanye muri sezo imwe, (U-16), (U-17), (U-18), ikipe B n’ikipe nkuru.

8- Akinira ikipe ya Manchester United yashyizeho agahigo ko gutoranywa nk’umukinnyi mwiza wu kwezi inshuro ebyiri yikurikiranya muri shampiyona yu Bwongereza hari mu 2006 mu kwezi kwa 11 na 12. Abandi bigeze kubigeraho ni Robbie Fowler mu mwaka 1996 na Dennis Bergkamp mu mwaka 1997.

9- Ronaldo ni umukinyi wa kabiri wabashije kweguka umupira wa zahabu (Ballon d’Or) inshuro nyinshi, inshuro 3 mu mwaka 2008, 2013 na 2014, uza ku mwanya wa mbere ni Lionel Messi amaze kuwegukana inshuro 4.

10- Ronaldo niwe mukinnyi wa mbere mu Bwongereza wabashije kwegukana ibihembo bya PFA na FWA muri sezo imwe hari mu mwaka 2007 akinira Manchester United

Map : Ahabanza  \  Wari uziko?

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru